A Garda Civil de Pontevedra, decisiva para deter 8 consumidores de pornografía infantil
Por Redacción
O servizo de Telemática da Garda Civil de Pontevedra foi determinante no resultado da operación "Tor España", que finalizou coa detención de oito persoas no territorio español que intercambiaban pornografía infantil a través dunha rede que denominaban TOR. Desde a Comandancia de Pontevedra iniciouse unha operación que contou coa cooperación co Reino Unido e coa coordinación de Europol.
A investigación centrouse na vixilancia duns arquivos que se atopaban situados nunha páxina da DeepWeb onde os detidos compartían arquivos e links de contido pedófilo.
As imaxes atopadas, segundo informa a Garda Civil, foron clasificadas como de "extrema dureza" con actividade sexual con penetración, con animais ou sadismo.
Os axentes rexistraron oito domicilios nas provincias de Madrid, Valencia, Murcia e Xixón. Identificáronse a oito usuarios de pornografía infantil que foron detidos e investigados por suposto delito de corrupción de menores. Desde os domicilios rexistrados habían realizado as conexións a estes lugares da rede con contido pedófilo. Interviñéronse oito ordenadores, vinte discos duros externos e varios soportes ópticos.
A rede TOR establécese a través dun programa en que se cifran e anonimizan as comunicacións. O navegador non leva directamente ao sitio web desexado, senón que fai pasar ao usuario por diversas máquinas intermedias dentro da propia rede. Cada máquina cifra a comunicación e proporciona unha dirección IP diferente, desta forma conseguíase o anonimato.
As Unidades de Delitos Telemáticos e, neste caso, a de Pontevedra realiza rastreos neste tipo de redes para detectar a actividade de posibles usuarios dedicados á produción e intercambio de material pedófilo.
A investigación continúa aberta e estase analizando o material intervido para determinar a posible existencia dun delito de produción de material con abusos sexuais a menores de idade. Téntase, ademais, determinar a identidade das vítimas e as posibles conexións que se puidesen establecer con outros usuarios.