Cofrades pendentes do ceo pola ameaza de chuvia
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
A Semana Santa pontevedresa comeza marcada por un tempo relativamente estable, aínda que estará presente a ameaza de chuvia, especialmente a partir do xoves. Segundo MeteoGalicia, as nubes e os claros serán os protagonistas destes primeiros días primaverais, aínda que os ceos poderán tornar pouco anubrados ou despexados. Así, non se esperan precipitacións para as procesións desde o luns 21 ata o xoves 24.
As temperaturas manteranse normais con valores que se atoparán en descenso moderado. Este luns oscilarán entre os nove graos de mínimas e os 18 de máximas, mentres que o mércores situaranse entre os cinco e os 14 graos. O vento, de carácter feble e moderado, soprará do norte.
A pesar deste pequeno parón das precipitacións, a partir do Xoves Santo os cofrades deberán estar pendentes do ceo xa que aumentarán as probabilidades de chuvia. Segundo a web de meteoroloxía de Galicia, o municipio de Pontevedra perderá a influencia anticiclónica, provocando precipitacións a partir do venres, que se manterán durante toda a fin de semana, e un suave ascenso das mínimas.
Predicion do 21 de marzo en MeteoGalicia
© MeteoGalicia
Relacionadas:
-
O 'Encontro' nocturno enche Marín de fervor relixioso
Por Diego Torrado |
-
A procesión 'máis feminina', a do Mércores Santo coas mulleres da Maior Dor
Por Redacción & Diego Torrado |
-
Cal é o atractivo turístico de Pontevedra durante a Semana Santa?
-
O Cristo das Caídas, protagonista do Luns Santo
Por Mónica Patxot |