Poio abrirá a oficina de turismo de Combarro e a Casa Museo de Colón na Semana Santa
Por Redacción
Coa chegada da Semana Santa, Poio volverá encherse de turistas. E por iso, o goberno municipal ordenou a apertura da oficina de turismo de Combarro e a Casa Museo de Colón.
A oficina de turismo de Combarro atenderá ós visitantes que se acheguen ata a vila mariñeira a partires do venres 18 de marzo ata o vindeiro día 28 do mesmo mes.
O horario de apertura da oficina será de luns a domingo de 10:30 a 14:00 e de 17:00 a 20:00 fins de semana incluídos.
Unha vez rematada a Semana Santa, a oficina de Combarro volverá estar operativa a partir do 13 de xuño para comezar co servizo da tempada de verán.
Por outra banda, a Casa Museo de Colón situada en Portosanto abrirá as súas portas tamén a partir do venres día 18 de marzo ata o luns día 28 de marzo en horario de luns a sábado de 10:30 a 14:00 e polas tardes de 17:00 a 20:00.
Tres bolseiros con titulacións relacionadas co turismo e contratados polo Concello de Poio serán os encargados de dar a información turística aos visitantes que se acheguen ata Combarro e ata a Casa de Colón.
En canto á oficina de turismo do Casal de Ferreirós, permanecerá aberta no seu horario habitual de mañá de 09:00 a 14:00 horas.
Polas tardes, a Casa Museo de Colón prestará a súa vez servizo como oficina de turismo co fin de ampliar o servizo de atención aos visitantes que se acheguen ata o municipio.