![](/web/cache/scene/uploads/fotos/foto/28c/_S7QytKoutjK3UsovKMnMzytWsi62MgJyq/Lzc52L8gt0zCwMdI_/_wNDHSSU/NKUot0SvILlKxrAQ==_/56e857d6d5-150316cores-touris-po-531-2-ok.jpg)
© Xunta de Galicia
A Xunta analiza cos afectados pola PO-531 a construción dunha nova rotonda
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
O director xeral de Infraestruturas da Xunta de Galicia, Francisco Menéndez, e o delegado territorial en Pontevedra, José Manuel Cores Tourís, analizaron este martes con representantes da plataforma de afectados pola estrada PO-531 a construción dunha rotonda deste vial.
Na reunión tamén estiveron presentes o xefe territorial deste área, José Luis Díez, e o presidente do colectivo, Manuel Corredoira. Ao término da mesma, a Xunta indicou nun comunicado que o obxectivo da execución desta nova infraestrutura é mellorar a seguridade viaria.
Ademais, recolleuse a demanda do colectivo para a construción dun novo vial de medio quilómetro de lonxitude que enlazaría o núcleo urbano da Devesa con esta nova rotonda e co lugar de Reariz.
O delegado territorial comprobou cos veciños os terreos por onde se podería executar este novo vial.
Os representantes da plataforma comprometéronse a realizar unha reunión cos propietarios das parcelas necesarias para a ampliación de dita infraestrutura co obxectivo de que poñan os terreos a disposición da administración autonómica para levar a cabo a execución desta importante obra demandada polos veciños da Devesa.