Sanxenxo prepárase para Semana Santa acondicionando novos aparcadoiros ante a espera de turistas
Por Redacción
O goberno local quere ter en perfecto estado para a Semana Santa dúas zonas de aparcadoiro alternativo detrás do Templo Novo. As altas temperaturas e o bo tempo que se esperan para estas datas atraen a múltiples turistas que visitan o municipio costeiro en busca de boas praias.
Os operarios municipais procederon á roza e corte da maleza na parcela situada detrás da igrexa parroquial, utilizada como aparcadoiro alternativo debido á súa proximidade coa rúa Progreso.
Despois do saneado vexetal, a brigada de obras está a proceder a nivelar o terreo, que ao carecer de asfalto, rexistra varias fochas.
O obxectivo é acondicionar tanto esta área, como a situada xusto detrás do Templo Novo, para que sexan utilizadas como aparcadoiro durante a Semana Santa.