A Autoridade Portuaria amplía o aparcadoiro de uso público da zona do Porto
Por Redacción
A Autoridade Portuaria de Marín e Ría de Pontevedra levou a cabo as obras de ampliación da zona de aparcadoiro de uso público, que incluíron o peche do recinto. A obra permite gañar maior espazo no Paseo Alcalde Branco conforme ao proxecto redactado polo Concello de Marín.
Os traballos financiáronse co diñeiro do Plan de Investimentos da Deputación de Pontevedra que achegou 92.153,60 euros.
Tras a ampliación as prazas pasaron de 234 prazas ata as 343 prazas.
FACTURAS POR 250.000 EUROS
O concelleiro de Urbanismo, Facenda e Persoal, Manuel Santos Costa, ven de presentar ante a Comisión Informativa de Facenda celebrada este martes o expediente que elevará ó Pleno da Corporación na vindeira sesión ordinaria que configura un expediente de recoñecemento de crédito.
Na tramitación administrativa do mesmo recóllense unha relación de facturas de 250.000 euros correspondentes a facturas presentadas no mes de decembro e no mes de xaneiro que obedecen a gastos realizados no ano anterior 2015 e para proceder ó seu pago é necesario que o ser doutro exercicio o Pleno as recoñeza e ordene o seu pago.
Todas obeceden ó capítulo 2 do Presuposto municipal, se trata de gasto corrente en diversas áreas que por realizarse nos últimos meses do ano, e terse presentado no ano seguinte non poden tramitarse como as relación de facturas que mensualmente se realizan.
O obxectivo da área económica é proceder ó pago o antes posible.