Sanxenxo acollerá as XI Xornadas estatais de Seguridade Viaria
Por Redacción
Os directivos da Federación Estatal de Técnicos de Educación Viaria (FETEVI) mantiveron unha reunión co alcalde de Sanxenxo, Gonzalo Pita e coa concelleira de Seguridade Cidadá, Vanessa Rodríguez para tratar os detalles das undécimas Xornadas Estatais de Educación Viaria, que por primeira vez realizaranse en Galicia e que contará con Sanxenxo como a sede das actividades prácticas.
Estas Xornadas desenvolveranse baixo o título de "Novas tecnoloxías aplicadas á mobilidade sustentable e segura" durante os días 27, 28 e 29 de abril. Este evento atópase destinado a profesionais relacionados coa educación e a seguridade como é o caso de policías, bombeiros, membros de Protección Civil e persoal docente. O obxectivo é mostrarlles as últimas novidades relacionadas co sector da seguridade.
A xornada que se celebrará en Sanxenxo centrarase na tecnoloxía aplicada á seguridade para finalizar coa elaboración dun decálogo de actuación.
Desenvolveranse talleres de educación viaria coa participación de escolares de diferentes colexios do municipio e na Praza do Mar analizaranse as novas tecnoloxías aplicadas á seguridade na estrada. A organización traballa coa idea de exhibir drons, simular o envorco de vehículos e a posta en marcha dun taller de bicicletas.
Relacionadas:
-
Escolares dun colexio de Sanxenxo aprenden como evacuar un autobús en caso de incendio
Por Elena Álvarez Quintá |
-
O inspector de Pontevedra Ángel Ruibal e o policía de Sanxenxo Abelardo Martínez reciben os premios Fesvial
Por Redacción |
-
Abelardo Martínez, promotor do "Poli Paco", medalla á seguridade viaria
Por Redacción |
-
Os polis Paco e Lola ensinarán seguridade viaria aos escolares de Sanxenxo
Por Redacción |