Cinco persoas resultan feridas nun accidente entre dous turismos en Marcón
Por Redacción
Durante a noite deste venres 19, ao redor das 23.20 horas, rexistrábase un sinistro entre dous vehículos na estrada PO-532, entre Pontevedra e Ponte Caldelas, co resultado de cinco persoas feridas, segundo información recollida polo servizo de Emerxencias do 112 a través dos servizos sanitarios.
O accidente producíase cando dous tursimos chocaban nesa estrada cando circulaban pola parroquia pontevedresa de Marcón. Os feridos foron trasladados a centros hospitalarios da cidade e os equipos de limpeza da Axencia Galega de Infraestruturas restableceron as condicións de seguridade na vía.
O forte impacto causou danos nos vehículos e os restos quedaron esparexidos pola calzada. Ata o lugar do accidente desprazáronse axentes da Garda Civil de Tráfico.