Polo menos 2.800 pontevedreses "poñen os cornos" á súa parella
Por Oskar Viéitez
AshleyMadison.com, a web líder dedicada a axudar a homes e mulleres casados a ter unha aventura de forma discreta, con máis de 17 millóns de usuarios a nivel mundial, pescudou o perfil dos habitantes infieis de Galicia tendo en conta as cidades nas que residen e as súas profesións.
Esta web conta con máis de 816.000 usuarios españois, dos cales máis de 43.000 están rexistrados en Galicia. Este dato convérte a nosa comunidade na quinta con maior número de infieles de España só precedida por Madrid, Cataluña, Andalucía e a Comunidade Valenciana.
Segundo o estudo levado a cabo entre usuarios desta web, 1 de cada 2 galegos infieis vive en capitais de provincia.
A Coruña ocupa o primeiro posto co 15% da poboación propensa a ter unha aventura extramatrimonial seguida de Vigo, o municipio máis poboado de Galicia (12%) e Santiago de Compostela (8%).
Pontevedra e Ourense ocupan o 4º e 5º posto desta clasificación cun total de 2.800 e 2.700 usuarios rexistrados respectivamente.
O galego infiel ten 36 anos, está casado e é avogado
Este estudo demostra que o perfil típico dun galego infiel ten unha media de 36 anos e o 72% deles afirma estar casado.
Separadamente dos motivos polos que se animan a ser infieis, os usuarios galegos desta web tamén comparten algo en común: o seu perfil profesional.
Os profesionais de dereito son os máis dispostos a ter unha aventura. De feito, o 11,2% dos usuarios que se inscribiron nesta web para satisfacer as súas necesidades sexuais e afectivas dedícanse a este sector. Entre as demais profesións, destacan os que pertencen ao campo da medicina (9,7%), os profesores (8,4%), funcionarios (7%) e empregados do sector textil (6,5%).