O PP di que o concello de Poio recaudou un 27% máis do presupostado en multas de tráfico
Por Redacción
O voceiro do PP de Poio, Ángel Moldes, informou este lunes das "altas cifras de recadación" en multas de tráfico durante 2015 por parte dos axentes da Policía Local. En concreto, impuxeron sancións por un valor aproximado de 108.000 euros, un 27% máis do previsto nos presupostos municipais.
O voceiro explicou que este desfase "vén sendo moi habitual recentemente", e indicou que nos últimos tres anos "o Concello ingresou en multas un 54% máis do que presupostou".
Segundo o PP nestes últimos tres anos, a Policía Local impuxo un total de 345.000 euros en sancións, 120.000 euros por enriba do recollido nos presupostos, e o importe total ingresado en multas de tráfico desde 2010 é de 570.000 euros, "unha cantidade moi considerable", destacan.
Para o voceiro local do Partido Popular, se o Concello de Poio actuase como outras institucións e destinase o importe das multas a mellorar as infraestruturas, a actuacións de prevención ou a dotación do propio corpo local de Policía, "habería un nivel moi superior de seguridade vial e os veciños non percibirían as multas como unha actividade puramente recadatoria".
Ademais, a oposición sostén que de ter reinvertido o recadado en multas nos últimos anos, o Concello "podería ter solucionado sobradamente demandas como a seguridade na zona da Canteira ou ter cumplido a súa parte no acondicionamento do vial de Campelo".