Nubes e claros para o inicio da semana e nuboeiros para entroido
Por Redacción
O mes de febreiro estrearase este luns cunha xornada de "ceos con alternancia de nubes e claros" na comarca de Pontevedra.
A posibilidade de precipitacións, que será media durante as primeiras horas do día, irá diminuíndo á vez que mellorará a climatoloxía e se reforzará a presenza anticiclónica, segundo as previsións de Meteogalicia.
Todo iso con temperaturas "altas para este período", con mínimas que descenderán moderadamente.
O tempo mellorará ata o xoves, cando se espera "un día seco con temperaturas suaves", pero a partir do venres, coincidindo co inicio do entroido, Galicia quedará baixo a influencia das baixas presións.
Isto significa que existirá unha alta probabilidade de precipitacións durante a primeira fin de semana de entroido, se non varía a predición nas próximas horas, ao esperarse "choivas xeneralizadas con descenso das temperaturas", sinala Meteogalicia.