Malestar no PP polos accesos á futura planta de compost mentres o alcalde acúsaos de "sementar alarmismo"
Por Redacción
Os accesos á futura planta de compostaxe da Canicouva provocaron que o Partido Popular de Ponte Caldelas presentase unha moción de urxencia no último pleno municipal.
Fixérono para tentar evitar que os mesmos se produzan polo polígono da Reigosa ou polo viario do cemiterio de Xustáns, tal e como, seguran, planean o Concello de Pontevedra e a Deputación
"Parece que Andrés Díaz non lembra os panfletos que andou repartindo en Xustans contra a planta de compostaxe, cando daquela si que había un goberno local que dixo que en ningún caso permitiría o acceso polo noso municipio, non como agora" afirmou Ricardo Castro.
Os populares denuncian o "silencio cómplice" do tripartito e lembran que o anterior goberno local, con Perfecto Rodríguez, pactara coas comunidades de montes de Baltar, Chan do Casal e O Sobreiro que en ningún caso permitiríase o acceso por viarios municipais.
O ALCALDE ACUSA AO PP DE "SEMENTAR O ALARMISMO"
Ante estas declaracións o alcalde de Ponte Caldelas, o socialista Andrés Díaz, acusou ao Partido Popular de "querer sementar o alarmismo e a discordia entre a cidadanía" sen que de momento "se teña falado aínda nada sobre esta cuestión nin coa Deputación nin co Concello de Pontevedra".
Díaz sinala que ao instalarse a planta no termo municipal de Pontevedra, o goberno de Ponte Caldelas non pode intervir no proceso, pero manifesta o seu compromiso de que "se é que chega ese momento consultarase aos veciños"
O alcade quixo aclarar ademais A Canicouva "estaría destinada só a recibir achegas orgánicas con capacidade de entre 3 e 6 toneladas e non ten nada que ver co marobasureiro que proxectaba Louzán con capacidade para entre 30 e 70 toneladas, cun tráfico continuo de centos de camións", sinalou.