Preto de 1,2 millóns de euros para o saneamento de Tenorio
Por Redacción
Tenorio mellorará o seu saneamento grazas á achega comprometida pola Consellería de Medio Ambiente, a través de fondos europeos, de preto de 1,2 millóns de euros.
Os traballos, que se esperan licitar durante este ano, centraranse na habilitación dunha rede de colectores de augas fecais en toda a parroquia e a instalación dunha estación de augas residuais en Veiga Grande.
Ata agora sete fosas sépticas efetuaban un tratamento básico nas augas residuais de Tenorio, vetendo parte das mesmas no río Tenorio, afluente do Lérez.
Este proxecto centrou boa parte da reunión que mantiveron este mércores a conselleira de Medio Ambiente, Beatriz Mato, e o alcalde de Cotobade, Jorge Cubela, quen cualificou este investimento como "o máis elevado nunha obra desde que son alcalde".