Detido un marinense por subtraer un bolso que contiña 7.000 euros e 200 billetes de lotería
Por Redacción
A Garda Civil detivo un veciño de Marín como suposto autor dun delito de furto de 7.000 euros en efectivo do interior dun vehículo cando se atopaba estacionado nas inmediacións do cemiterio de Soutelo de Montes.
Segundo informaron fontes oficiais do Instituto Armado o condutor deixara o vehículo coas portas sen pechar con chave e no seu interior un bolso no que gardaba esta importante cantidade de diñeiro que levaba para facer efectivo o pago dun inmoble que comprara na provincia de Ourense.
Xunto co diñeiro tamén lle subtraíran 200 euros en lotería, diversa documentación persoal e cartóns bancarios.
Por mor das xestións realizadas por efectivos do Posto da Garda Civil de Forcarei conseguiuse identificar ao presunto autor, que sería posteriormente localizado e detido en Pontevedra por efectivos da Unidade Orgánica de Policía Xudicial da Garda Civil desta Comandancia.
No momento da súa detención, sobre esta persoa, recaía tamén unha orde xudicial de investigación de domicilio e paradoiro.