A construtora ORESA empeza as obras na rúa da Costa
Por Redacción
A construtora ORESA iniciou as obras de renovación de servizos na Rúa da Costa que teñen un orzamento de 174.993 euros.
Fai tres anos conseguiuse realizar unha actuación na rúa da Costa ata entrada da Finca de Briz, proxecto que foi executado mellorando as redes, inclusive algunas que tiveron que ser renovadas pola antigüedade das mesmas.
A rúa da Costa sérvese, a día de hoxe, en toda á súa lonxitude, dun colector de fibrocemento de augas fecais que, dado a antigüidade da conducción, por indicación dos servicios técnicos municipais, é necesario substituilo, xa que presenta roturas ó seu paso polos rexistros existentes, repoñendo o pavimento actual xa que presenta baches e fracturas.
Trátase dunha actuación de notable importancia para o concello, por tratarse dunha renovación da rede de saneamento e o pavimento que é camiño habitual de usuarios do Instituto de Educación Secundaria Chan do Monte e do Centro Privado de Enseñanza San Narciso, e que xerará sen dúbida molestias nestes accesos.
Ordénase a seguridade vial ó regular o tráfico rodado e peonil cunha nova pavimentación que diferencie o ámbito de utilización dos usuarios de vehículos e peonís. Os pavimentos serán de hormigón impreso coloreado.
A rede de saneamento que se diseña é separativa polo cual non cabe considerar aportacións de auga de chuvia ó colector de residuais proxectado.