A Xunta incrementa as axudas á igualdade nos concellos da provincia
Por Redacción
A secretaria xeral de Igualdade, Susana López Abella, anunciaba este mércores 13 a resolución de axudas e subvencións a entidades locais para promoción da igualdade cofinanciadas polo Fondo Social Europeo.
Na provincia de Pontevedra, este ano as axudas superan os 1,3 millóns de euros, cun incremento de ao redor do 20% en relación coa convocatoria de 2015. Trátase de subvencións que van destinadas ao promagrama de prevención ytratamiento da violencia de xénero, o fomento de conciliación da vida persoal, laboral e familiar e o programa de apoio aos Centros de Información ás Mulleres (CIM).
Na provincia están en activo actualmente 27 CIMS a través de 38 concellos. O programa de prevención e tratamento da violencia de xénero recvibe máis de 19.300 euros na provincia. O programa de fomento de conciliación da vida persoal, laboral e familiar destinado a que os concellos faciliten ese tema entre persoas traballadoras recibe máis de 74.300 euros. Sanxenxo, por exemplo, recibe 12.000 euros para a ludoteca e a mesma cantidade vai destinada ao concello do Grove para o programa Vellos Tempos.
O programa de apoio aos CIM busca mellorar estas instalacións e consolidar os postos e o perfil profesional das persoas que prestan atención nelas. É o programa que recibe máis investimentos situándose en 1,2 millóns de euros para a provincia. Vilagarcía, Poio e A Lama son tres dos concellos que reciben máis apoio económico para este programa, ao cumprir cos principais requisitos que establece a convocatoria. Susana López Abella sinalou que a concesión destas axudas é independente do número de habitantes que teñan os concellos e axústanse a criterios técnicos.