O Lama Gueshe Tenzing Tamding amosará "o camiño á felicidade" en Ponte Caldelas
Por Redacción
O lama Gueshe Tenzing Tamding pronunciará unha conferencia baixo o título “O camiño á felicidade” no Centro Cultural de Ponte Caldelas, o vindeiro venres 15 de xaneiro, ás 20 horas. Esta actividade enmárcase dentro do propósito do Concello de dinamizar o municipio desde o punto de vista cultural amosando para elo diversos puntos de vista e favorecendo a diversidade.
Esta charla vai orientada a poñer en valor as actitudes positivas das persoas e a amosar desde o punto de vista do budismo onde se atopa o camiño cara á felicidade do individuo.
“Desde o punto de vista do budismo, a causa principal do sufrimento son as mentes enganosas, erróneas, conflitivas, como o apego, o orgullo, os celos, a ira, o egoísmo, a tristeza pola contra, a causa da felicidade real atópase nas mentes positivas: compaixón, amor, xenerosidade, paciencia, perdón, tolerancia…”, segundo manifesta Gueshe Tenzing.
O lama Gueshe Tenzing Tamding naceu en Tíbet no ano 1965. Con tan só 12 anos exiliouse a India, onde foi ordenado monxe polo XIV Dalai Lama.