A Xunta revisará os mantementos nos últimos meses na subestación de Vilalonga, orixe do corte de luz do día 1
Por Redacción
A Consellería de Economía, Emprego e Industria da Xunta de Galicia anunciou este sábado que "avaliará polo miúdo" o incidente ocorrido este venres 1 de xaneiro na subestación eléctrica de Vilalonga para garantir que o protocolo de actuación levado a cabo para restablecer o servizo foi o axeitado e coñecer de primeira man os motivos da avaría, que deixou sen luz a preto de 20.000 fogares de Sanxenxo, O Grove e Meaño ata a madrugada deste sábado.
Dentro desa análise, a Xunta determinará as causas do incidente e revisará os mantementos que se levaron a cabo na instalación durante os últimos meses. Desde a Dirección Xeral de Enerxía comprobarase, ademais, se existía algún tipo de avaría previa nesta zona que puidera ter xerado ou propiciado o incendio que se produciu este venres xusto antes da avaría e o conseguinte corte na subministración eléctrica.
Entre as cuestións analizadas, a Xunta buscará determinar o tempo que necesitaron os responsables de Emerxencias de Sanxenxo na súa intervención coa finalidade de fixar o momento no que se iniciou a reparación da avaría por parte da empresa.
A análise tamén servirá para determinar o número e a tipoloxía do persoal que interveu na reparación da instalación de Vilalonga.
Segundo informa a consellería a través dun comunicado, seguiu desde o primeiro momento o acontecido nesta subestación emprazada polo Concello de Sanxenxo ata que o servizo se restableceu.
Relacionadas:
-
Novo pasos para o traslado da subestación eléctrica de Vilalonga
Por Redacción |
-
A Xunta ofrece os servizos do Instituto Galego de Consumo aos afectados polo corte de luz do 1 de xaneiro
Por Redacción |
-
Os veciños de Sanxenxo, O Grove e Meaño recuperan a electricidade tras un inicio de ano a escuras
Por Redacción |
-
Unha avaría deixa sen luz 19.200 fogares de Sanxenxo, Meaño e O Grove
Por Redacción | Creada e actualizada