Unha avaría deixa sen luz 19.200 fogares de Sanxenxo, Meaño e O Grove
Por Redacción
Creada e actualizada
Creada e actualizada
A práctica totalidade dos veciños do Grove e unha boa parte dos residentes en Sanxenxo empezaron o ano en condicións non desexadas: cun corte na subministración eléctrica. Durante as primeiras horas do día, tiveron luz sen complicacións, pero avanzada a mañá unha avaría deixounos sen servizo e así seguían ás 20.00 horas, cun total de 19.200 clientes afectados segundo as cifras que manexa a compañía Gas Natural Fenosa.
Fontes da compañía eléctrica explicaron que a avaría se iniciou nun elemento eléctrico da subestación de Vilalonga, en Sanxenxo, que, con case total seguridade, está relacionada co temporal deste 1 de xaneiro.
A avaría deixou aos primeiros afecatdos ás 13.36 horas. Trátase duns 8.700 fogares do Concello do Grove. O resto das casas afectadas, ata un total de 19.200 están repartidas entre os municipios de Sanxenxo e Meaño e están sen luz desde as 16.25 horas, sempre segundo os datos oficiais de Gas Natural Fenosa.
Un total de dez brigadas e uns 25 operarios da compañía eléctrica levan desde primeira hora da tarde traballando na subestación e as liñas afectadas para tentar reparar a avaría e reestablecer o servizo, que afectou as celebracións do primeiro día do ano nas casas de ambos os municipios do Salnés. A compañía cualifícao como unha "avaría importante".
Buenas tardes. Avería en subestación mantiene sin servicio eléctrico parte del municipio. Operarios trabajando en resolver la incidencia.
— Emerxencias Sanxenxo (@SLXE_Sanxenxo) enero 1, 2016
⚠⚠⚠⚠ mucho cuidado peatones en zonas sin alumbrado público por #averiaelectrica. Riesgo de atropello!!!
— Emerxencias Sanxenxo (@SLXE_Sanxenxo) enero 1, 2016
Desde o Concello de Sanxenxo indicaron a última hora da tarde que o alcalde, Gonzalo Pita, e a concelleira de Seguridade Cidadá atópanse na subestación de Vilalonga en contacto permanente co delegado provincial da empresa Gas Natural Fenosa e co enxeñeiro xefe que dirixe a reparación da avaría que deixou sen subministración eléctrica a varios puntos do municipio.
Relacionadas:
-
Gas Natural Fenosa culpa o temporal do corte de luz sufrido o sábado en Sanxenxo
Por Redacción |
-
Fenosa e a Xunta buscarán solucións para evitar cortes de luz no Salnés
Por Redacción |
-
A Xunta ofrece os servizos do Instituto Galego de Consumo aos afectados polo corte de luz do 1 de xaneiro
Por Redacción |
-
A Xunta revisará os últimos mantementos na subestación de Vilalonga, orixe do corte de luz do día 1
Por Redacción |
-
Os veciños de Sanxenxo, O Grove e Meaño recuperan a electricidade tras un inicio de ano a escuras
Por Redacción |
-
Aparatoso accidente sen feridos na Granxa
Por Redacción |