A Pastoriza estrea a reforma da fonte de Aldea de Abaixo
Por Redacción
As brigadas municipais de obras de Marín remataron nos últimos días as obras de arranxo da fonte de Aldea de Abaixo, situada no lugar de Pastoriza.
A alcaldesa, María Ramallo, visitou a actuación acompañada de varios veciños que, segundo sinala o goberno municipal, agradeceron a mellora, limpeza e encintado desa fonte, moi utilizada tanto polos veciños como polos ciclistas que pasan por este percorrido.
Os veciños realizaron outras peticións que foron escoitadas polo equipo de goberno, que se comprometeu ir mellorando coa colaboración popular este lugar da parroquia de Ardán.