A provincia rexistra 72 incidencias a causa do temporal
Por Redacción
O Centro de Atención a Emerxencias 112-Galicia rexistrou un total de 72 incidencias durante a xornada deste mércores a causa do temporal de choiva e vento que afectou á provincia e que produciu, sobre todo, caída de árbores e ramas, incidencias en tendidos eléctricos, inundacións e accidentes de tráfico.
Entre estes últimos, un camión envorcou na tarde deste mércores en Meis.
Segundo informou a Central de Atención a Emerxencias 112-Galicia, o suceso ocorreu sobre as 17.00 horas na estrada PO-531, no coñecido como cruzamento do Mosteiro.
O condutor do vehículo, que transportaba patacas, non resultou ferido.
Neste caso acudiron efectivos de Policía e Garda Civil, Protección Civil e o servizo de limpeza de estradas.