As chuvias ofrecen unha tregua durante o Nadal e retornarán o domingo á noite
Por Redacción
Durante a xornada deste venres 25, día de Nadal, as Rías Baixas atoparanse nunha situación intermedia entre as altas presións do Mediterráneo e distintos centros de baixas presións que se moven polo Atlántico, que se verán intensificadas polos ventos do sur.
Desta forma, espéranse ceos con alternancia de nubes e claros pola mañá. Durante a tarde haberá predominido dos claros, principalmente no leste, con nubes de tipo alto. As temperaturas non experimentarán cambios significativos ou ascenderán de forma lixeira situándose entre os 12 e os 16 graos. Os ventos soprarán de compoñente sur, moderados en xeral, fortes con refachos moi fortes no litoral.
Durante o sábado, Galicia continuará nunha zona intermedia entre as borrascas atlánticas e o anticiclón que se intensificará, manténdose os ventos fortes do sur. A xornada virá marcada polo predominio das nubes de tipo alto. As temperaturas manteranse nos mesmos rexistros. Os ventos soprarán de compoñente sur moderados con refachos moi fortes no litoral atlántico.
A lo largo del domingo 27 non se rexistrarán cambios na situación meteorolóxica, de forma que se esperan nubes de tipo alto, que non impedirán o paso do sol. Aumentarán as nubes ao longo da noite deixando choivas no litoral atlántico. As temperaturas manteranse entre os 12 e os 16 graos. Os ventos soprarán de compoñente sur, fortes no litoral, aumentando en intensidade durante a noite.
Ao longo da próxima semana, segundo os datos que ofrece o servizo de Meteogalicia, os ventos soprarán de compoñente sur, con altas probabilidades de precipitación na franxa atlántica. As temperaturas seguirán sendo moi suaves alternando entre os 11 e os 15 graos.