Din que o martes chega o inverno
Por Redacción
Segundo o prognósticos de MeteoGalicia e da Axencia Estatal de Meteoroloxía (AEMET), esta semana arrincará con ceos pouco nubrados ou con algún intervalo nubrado.
O martes será o primeiro día do inverno astronómico, e virá con precipitacións. Do mesmo xeito haberá intervalos de vento forte do suroeste no litoral de Galicia.
O mércores 23 e o día de Noiteboa, Galicia continuará unha xornada máis cun réxime de ventos do sur que achegarán moita humidade e mesmo algunha precipitación. Así, os ceos permanecerán nubrados nas Rías Baixas. As temperaturas mínimas experimentarán un lixeiro ascenso mentres que as máximas quedarán sen cambios, polo que se espera unha xornada de moi pouca oscilación térmica. O vento soprará frouxo de compoñente sur.
Xa o sábado 26 de decembro e o domingo 27 descenderán as temperaturas pola chegada dunha fronte aínda que seguirán sendo algo máis altas do normal.