Maratoniana xornada solidaria no pavillón de Ponte Caldelas
Por Redacción
Durante toda a xornada do sábado o pavillón de Ponte Caldelas encheuse de solidariedade cun novo festival, que acompañado dunha feira de artesanía, que buscaba recadar fondos para a ONG Cáritas Interparroquial do municipio.
O festival solidario contou coa participación de agrupacións folclóricas como Os Coribantes de Buchabade, Os Catro Ventos ou Laranxada de Limón, ademais de con alumnos do IES Ponte Caldelas que puxeron en escena varias coreografías preparadas para a ocasión.
A pé de pista, durante todo o día, instaláronse postos de artesanía a prezos especiais para a ocasión.
Como colofón a xornada pechou cunha 'master class' de Zumba Fitness e Djembe e unha exhibición de bailes latinos a cargo de Jane Zouk e Luizinho Astral Lambazouk, organizado todo iso pola monitora de zumba Adriana García Nascimento.