Un ferido nun accidente de tráfico en Cambados
Por Redacción
Dous vehículos chocaron frontolateralmente na Avenida de Galicia, a PO-550 en Cambados.
O servizo de Emerxencias atendeu este venres a chamada dun particular informando ás 15.03 horas deste accidente de tráfico cunha persoa ferida.
Os técnicos do 061 sacaron ao ferido pola porta do copiloto xa que a do condutor non se podía abrir. Foi trasladado en ambulancia ao Hospital do Salnés.
A Policía Local dirixiu o tráfico ata a chegada dos guindastres e a limpeza da calzada.
Segundo informaron desde o servizo de Emerxencias, o ferido é o condutor dun Peugeot 205 de cor branca que circulaba pola rúa os Olmos.