Rajoy non denunciará ao rapaz que o agrediu en Pontevedra
Por Alejandro Espiño
Mariano Rajoy non presentará denuncia contra o mozo de 17 anos que o agrediu este mércores en plena Praza da Peregrina, mentres se atopaba dando un paseo electoral pola cidade de Pontevedra.
Así o confirmou a vicepresidenta do Goberno, Soraya Sáenz de Santamaría. "Esto no debería haber ocurrido, pero es una cuestión que ya tiene que decidirse en otras instancias", afirmou respecto da brutal puñada que recibiu Rajoy do seu agresor.
Fontes xurídicas sinalaron a PontevedraViva que, a pesar de que non se presente denuncia contra o menor, esta circunstancia non afecta o procedemento e a actuación xudicial seguirá de oficio. De feito, reiteran que o mozo podería enfrontarse a unha condena de ata seis anos de internamento nun centro de menores.
Por outra banda, o propio presidente Goberno confirmou que continuará cos actos de campaña e seguirá a axenda prevista sen ningún cambio.
En declaracións realizadas en Barcelona, cidade á que viaxou tras o mitin de onte á noite na Coruña, afirmou que seguirá dando paseos pola rúa e facéndose 'selfies' coa xente porque "no tenemos por qué cambiar en absoluto nuestra forma de hacer campaña".
Rajoy engadiu que non hai que darlle á súa agresión "más importancia de la que tiene" porque España é un pobo "civilizado, tranquilo y moderado", aínda que de cando en vez haxa unha "excepción" á regra.
Tras asegurar que se atopa ben e que "xa pasou", recoñeceu que nas últimas horas recibiu moitas chamadas de persoas que quixeron preguntar polo seu estado e mostrarlle o seu apoio ante o sucedido. En todo caso, explicou que non tivo tempo de contestalas e procurará facelo en "as próximas datas".
DESCARTA UN FALLO DE SEGURIDADE
Mariano Rajoy descartou tamén esta mañá que a agresión se haxa debido a un fallo de seguridade e agradeceu o traballo aos seus escoltas e a como lle coidaron " durante este tiempo". Tras asegurar que un incidente deste tipo "es imposible evitarlo", o presidente do Goberno insistiu no carácter excepcional desta agresión porque "yo he recorrido España de un lugar a otro y no he tenido problema".
Relacionadas:
-
RADIO.- Conversas na Ferrería: E ti que farías se foras Mariano Rajoy?
Por Marisa Ciordia |
-
Dous anos de internamento pechado para o menor que golpeou a Rajoy diante da Peregrina
Por Redacción | Creada e actualizada
-
Rajoy regresará a Pontevedra para pasar o Fin de Ano coa súa familia
Por Redacción |
-
Internan nun centro de menores ao mozo que agrediu a Rajoy
Por Natalia Puga & Mónica Patxot | Creada e actualizada
-
PontevedraViva e Diario de Pontevedra, referentes a nivel mundial pola agresión a Rajoy
Por Redacción |
-
O avogado do agresor de Rajoy: "En el fondo él también es una víctima"
Por Mónica Patxot & Natalia Puga |
-
Condenas políticas á agresión a Rajoy
Por Redacción | Creada e actualizada
-
Así foi a agresión a Rajoy na rúa Peregrina
Por Mónica Patxot & Oskar Viéitez |
-
Quen é o menor que agrediu a Rajoy?
Por Oskar Viéitez & Mónica Patxot & Marisa Ciordia | Creada e actualizada
-
Un menor agride a Rajoy durante o seu paseo electoral en Pontevedra
Por Oskar Viéitez & Mónica Patxot | Creada e actualizada