O tráfico ferroviario entre Pontevedra e Santiago estivo cortado durante dúas horas
Por Redacción
A avaría dun tren de mercancías á altura da pequena estación da Portela, no municipio de Barro, provocou o corte do tráfico ferroviario entre Pontevedra e Santiago durante dúas horas.
Segundo informou Renfe, o fallo técnico produciuse ás 12,13 horas.
Como consecuencia do incidente houbo que facer dous trasbordos de pasaxeiros en senllos autobuses, un con 50 e o outro con 15 viaxeiros que foron trasladados por estrada ata os seus lugares de destino.
Renfe informou que o tráfico quedou restablecido sobre as 14:00 horas.