Os alcaldes do PP denuncian que Carmela Silva trátaos como ao peor barrio de Vigo
Por Redacción
Un grupo de trinta alcaldes da provincia do Partido Popular acompañados de deputados do mesmo partido presentaron un escrito na Deputación provincial durante o mediodía deste venres 20 coa intención de que a presidenta da institución, Carmela Silva, manteña unha xuntanza cos máximos representantes de todos os municipios para ofrecer datos da cantidade económica que se vai a destinar aos concellos durante 2016.
Os deputados Nidia Arévalo e Ángel Moldes indicaron que hai concellos da provincia que dispoñen dun informe da intervención no que se certifica que van recibir unha media dun 33% menos do diñeiro que lles ofrecía o anterior goberno de Rafael Louzán.
Os alcaldes queren coñecer que criterios de repartición vanse a aplicar e que se explique a cantidade concreta que recibirán para poder elaborar os seus orzamentos.
Nidia Arévalo acusou a Carmela Silva de actuar con escurantismo e falta de transparencia de maneira que menospreza aos concellos da provincia e engadiu que os gobernos locais non están conformes con este plan de repartición e alegan que non se contou con eles para a súa elaboración.
O alcalde de Vilanova de Arousa, Gonzalo Durán, mostrouse máis duro indicando que a presidenta da Deputación é unha persoa que non cre nos concellos nin na provincia e que só traballa para Vigo. Neste sentido, manifestou que Carmela Silva trata aos diferentes concellos como ao peor barrio de Vigo.
Nidia Arévalo lamentou tamén que o equipo de goberno aínda non facilitase o borrador dos orzamentos ao Partido Popular, aínda que xa se trasladaron aos medios de comunicación.
Relacionadas:
-
PSOE e BNG aproban o orzamento da Deputación de Pontevedra
Por Oskar Viéitez & Cristina Saiz |
-
O PSOE insta aos alcaldes do PP a que renuncien aos cartos da Deputación que criticaron por insuficientes
Por Redacción |
-
A Deputación presenta un orzamento de 152 millóns no que "non existe nin un céntimo de libre disposición"
Por Oskar Viéitez |
-
Valoran en 10 millóns de euros o protocolo asinado entre o Concello de Pontevedra e a Deputación
Por Cristina Saiz & Oskar Viéitez |