O PSOE da Lama quere que a Garda Civil inspeccione os microchips dos cans para evitar abandonos
Por Redacción
O portavoz do PSdeG-PSOE na Lama Enrique Vaqueiro presentou por rexistro unha moción que, segundo entende, será unha "revolución" para tentar evitar o abandono de cans nas aldeas, como sucede neste concello, segundo denuncia.
Por este motivo propón que os axentes da Garda Civil fagan inspeccións para verificar que todos os donos de cans teñen o microchip instalado, que a Xunta de Galicia prohiba a tenencia de animais a quen reincida nos malos tratos e que o Concello aprobe unha subvención para que quen o desexe poida obter un microchip durante un período dun mes.
Vaqueiro entende que se rexistran poucos casos nos que se multe aos propietarios que abandonen aos cans. Segundo afirma, esta moción preséntaa porque atopou unha cadela preñada abandonada na porta da súa casa na localidade de Pigarzos.