A Garda Civil investiga un veciño de Pontevedra por varios furtos en interior de vehículos en Lalín
Por Redacción
A Garda Civil investiga a MA.L.F., de 44 anos de idade e veciño de Pontevedra, como suposto autor dun delito de furto en, polo menos, tres vehículos estacionados nas vías públicas da localidade de Lalín.
Segundo informaron fontes oficiais do Instituto Armado, tras a recepción de denuncias por furto de efectos en interior de vehículos no Posto Principal da Garda Civil de Lalín, compoñentes do mesmo iniciaron as correspondentes indagacións para o total esclarecemento destes feitos delituosos.
As mesmas deron resultado positivo o pasado domingo cando o investigado é interceptado nas inmediacións de varios vehículos, mostrando unha actitude sospeitosa e vixiante.
No momento da súa identificación e rexistro do seu vehículo, os axentes recuperaron varios dos efectos subtraídos propiedade dos usuarios que denunciaran os roubos no interior dos seus coches.
As dilixencias instruídas son remitidas ao Xulgado de Instrución de garda de Lalín.