Para o PP, o novo logo da Deputación é unha "agresión encubierta" de Vigo a Pontevedra
Por Redacción
Ao Partido Popular non lle gusta a nova imaxe corporativa da Deputación de Pontevedra. Ven no remocicado logotipo, presentado hai exactamente dúas semanas, unha "agresión encubierta" de Vigo á capitalidade de Pontevedra. Segundo César Abal, o goberno provincial retirou "toda referencia a Pontevedra" a diferenza das outras tres deputacións galegas que si inclúen parte do escudo das súas respectivas capitais.
"Pontevedra deja de presidir el escudo para ser un punto más en la nueva imagen", afirmou o edil do PP, en referencia ao deseño elixido no que os 62 concellos da provincia están reflectidos por puntos grises. Un deles, con todo, é vermello e os populares aseguran que é unha referencia "al color granate" da bandeira do concello de Vigo.
César Abal afirmou que este novo logotipo, creado polos traballadores do equipo de deseño gráfico da institución provincial, forma parte da "política zapateril" que impuxo o alcalde de Vigo, Abel Caballero, ao que acusan de "orquestar" este cambio que se pon en marcha en vésperas do 180 aniversario da deputación pontevedresa.
Ademais, o PP asegura que o novo logotipo supón un "problema terrible" para as imprentas xa que non se contemplou no seu manual a versión en branco e negro, un matiz que "deberían haber estudiado" antes de facer público a remocicada imaxe.