Que traballos asumen as persoas empregadas a través da Deputación ata finais de ano?
Por Redacción
Vinte persoas incorporáronse ao persoal de traballadores do Concello de Sanxenxo a través do Plan da Deputación Provincial para durante dous meses realizar diferentes traballos neste municipio.
Algúns dos empregados a través deste programa encargáronse de labores de pintado e mantemento da antiga Casa de Cultura de Dorrón e da recuperación do lavadoiro de Gondar. Os operarios destinados a Obras encargaranse tamén durante os próximos días da limpeza das reixas e canaletas das augas pluviais co obxectivo de que estean en mellores condicións de absorción para o momento en que comecen as choivas fortes, segundo informa o Concello de Sanxenxo.
Tamén se acometen durante estes días a limpeza nas praias e a atención nos xardíns, cunha especial atención a poda de árbores. Estes traballos permitirán manter as dunas de Portonovo e A Lanzada, coa eliminación de cascallos e o mantemento dos paseos marítimos.
A Deputación achega, a través dunha subvención para a contratación do persoal, 58.390 euros que se destinan a sufragar os gastos derivados da incorporación ao persoal municipal de 5 administrativos, 7 peóns forestais, 6 agrícolas, 6 para xardinería e outros 6 de obras públicas en xeral que desempeñarán estes traballos con xornadas de 35 horas semanais durante novembro e decembro.