Duascentas persoas concéntranse en defensa dos servizos públicos
Por Redacción
Baixo unha chuvia forte, máis de doscentas persoas concentráronse ante a Subdelegación do Goberno en Pontevedra en defensa dos servizos públicos e en contra dos recortes e os despedimentos.
Áconcentración en Pontevedra asistíu o portavoz nacional do BNG, Guillerme Vázquez, quen afirmou que "a defensa dos servizos públicos é a defensa dun modelo social que é xustamente o que está empeñado en destruír, en liquidar o PP".
Nese sentido, o líder nacionalista indicou que os servizos públicos "son o único garante de igualdade no acceso a unha educación ou unha sanidade de calidade para todos e todas". Guillerme Vázquez fixo un chamamento a todos os galegos para que se posicionen e defendan "o público, o que construímos entre todos e todas, fronte ao modelo do lucro e os privilexios que defende o PP".