Solicitan a máxima distinción para dous policías por un rescate en Aguete
Por Redacción
O sindicato Unión Federal de Policía (UFP) solicita que dous axentes da Policía Nacional destinados na Comisaría de Marín reciban a distinción da Orde do Mérito Policial pola súa actuación durante o rescate a unha muller na praia de Aguete a mediados deste mes de outubro, pois "co seu tesón e insistencia" localizárona e salváronlle a vida.
Segundo explica o sindicato policial, a muller foise de casa despois dunha discusión e a súa parella estaba preocupado, de modo que solicitou a intervención policial. Os axentes conseguiron localizar o vehículo nas inmediacións da praia de Aguete e, máis tarde, á muller desaparecida na auga nunha zona de rochas.
Os policías alertaron ao 061, pero, antes da súa chegada, rescatárona da auga eles mesmos. O salvamento foi "complicado e perigoso" para os axentes, pero finalmente sacárona a terra e colocárona en posición de seguridade ata a chegada dos efectivos do 061 e da Policía Local.
O sindicato policial quere que este tipo de intervencións sexan debidamente recompensadas co seu ingreso na orde ao mérito policial e que non non queden no esquecemento.