Tres feridos nunha colisión múltiple en Vilagarcía
Por Redacción
Tres persoas sufriron feridas de diversa consideración ao verse implicadas nunha colisión múltiple rexistrada na tarde do sábado en Vilagarcía de Arousa.
Segundo informou o Centro de Atención de Emerxencias de Galicia 112, no sinistro víronse implicados tres vehículos que colidiron por alcance cando circulaban pola recta de Rubiáns poucos minutos antes das 18.00 horas.
Tras recibir a alerta dun particular, o 112 Galicia púxoo en coñecemento de Urxencias Médicas, Policía Local e o grupo de emerxencias local e os servizos sanitarios de urxencia trasladaron tres feridos a centros médicos da área de influencia.