Falece a nai do ex presidente da Xunta, Emilio Pérez Touriño
Por Alejandro Espiño
Anicia Esmeralda Touriño Peleteiro, a nai do ex presidente da Xunta de Galicia, Emilio Pérez Touriño, faleceu esta mañá en Pontevedra, cidade na que residía. Tiña 90 anos de idade e sufría desde hai tempo unha grave doenza.
O corpo da nai do político pontevedrés será velado desde esta tarde no Tanatorio San Mauro de Pontevedra. Será enterrada mañá no cemiterio de San Mauro, trala celebración do funeral que terá lugar ás 17:00 horas na igrexa parroquial Virxe do Camiño.
Os problemas de saúde da nai de Emilio Pérez Touriño agraváronse durante o día de onte. De feito, o ex presidente da Xunta non puido acudir onte ao enterro do pai de José Branco, falecido en Lugo, debido ao estado no que se atopaba a súa nai.