Sanxenxo contrata un asesor xurídico para a área de urbanismo
Por Redacción
O goberno local de Sanxenxo decidiu reforzar o persoal de Urbanismo coa contratación dun asesor xurídico como funcionario interino para a execución dun programa de carácter temporal. A bases que regularán esta contratación serán publicadas nos próximos días no BOE e poderán consultarse tamén a través da web municipal a finais desta semana.
O edil de Urbanismo, Daniel Fernández, considera que esta incorporación é fundamental para axilizar a cantidade de expedientes acumulados neste departamento municipal, con tramitacións na maioría dos casos de gran complexidade.
A maiores das xestións expostas por cidadáns e empresas con intereses urbanísticos en Sanxenxo, o desenvolvemento do PXOM de Sanxenxo require tamén unha atención específica por parte do departamento de Urbanismo xa que contempla 30 sectores de Chan Urbanizable, 19 Polígonos de Execución Integral (PEI) e 9 Polígonos Especiais de Reforma Interior (PERI).