O radar móbil da DGT xa controla a velocidade dos condutores pontevedreses
Por Redacción & Mónica Patxot
Ningún condutor foi denunciado na primeira xornada na que o radar móbil, cedido pola Dirección Xeral de Tráfico (DXT) á Policía Local, estivo presente nas rúas da cidade de Pontevedra.
Con dúas semanas de atraso, este martes deu comezo a campaña de control de velocidade que os axentes municipais comezaron a desenvolver nas principais vías do centro urbano.
Tras resolver unha serie de problemas técnicos no vehículo, o radar comezou a controlar a velocidade dos condutores nalgunhas zonas considerables sensibles para o tráfico.
No seu primeiro día, situouse en dous ámbitos diferentes da cidade, un deles na rúa Ramón Otero Pedrayo, á altura do albergue de peregrinos.
A partir de agora, e durante os próximos dez días, de maneira aleatoria e sen previo aviso realizaranse controis en lugares como a avenida de Compostela, os accesos a Monte Porreiro, as Corbaceiras, Rosalía de Castro ou a subida a Montecelo, zonas nas que se detectou una certa relaxación no cumprimento da normativa de zona 30, vixente en todo o centro urbano.
A intención da campaña é concienciar aos condutores sobre a necesidade de respectar os límites de velocidade na cidade, para mellorar a convivencia con peóns, ciclistas e motoristas e avanzar en materia de seguridade viaria.
Relacionadas:
-
31 condutores "pillados" polo radar durante a campaña de control de velocidade
Por Anxo Lourido |
-
As vías convencionais pontevedresas, obxectivo da nova campaña de vixilancia da DGT
Por Redacción |
-
Novo atraso no inicio da campaña de control de velocidade na zona 30
Por Redacción |
-
O radar vén sen présa
Por Redacción |
-
Un radar móvil controlará a velocidade en zonas "sensibles" da cidade durante quince días
Por Alejandro Espiño & Mónica Patxot |