Fitness a prezos populares en Ponte Caldelas
Por Redacción
O Concello de Ponte Caldelas e os ximnasios Xparta e El Tablero chegaron a un acordo para facilitar o uso das súas instalacións aos veciños do municipio nunha amplitude de horarios.
Mediante este acordo promóvese o acceso á práctica deportiva a todos os veciños que así o desexen nas instalacións deportivas destes dous ximnasios por un prezo de tan só 19,90 euros ao mes ata final de ano. Con este acordo suprímese o pagamento da matrícula para que as persoas de calquera idade poidan acceder dun xeito sinxelo e práctico á práctica deportivo e ao uso de instalacións e máquinas de preparación e mantemento físico.
O alcalde, Andrés Díaz, agradeceu "a implicación dos xerentes dos ximnasios de Ponte Caldelas que, desde o primeiro momento, ofreceron a máxima colaboración para desenrolar unha iniciativa que permitirá que moita xente que ata agora non practicaba deporte poda facelo nas mellores condicións posibles a uns prezos conveniados moi razoables".
Díaz lembrou que a aposta pola práctica deportiva será un sinal de identidade do novo equipo de goberno así como a busca da implicación e a colaboración dos principais activos e factores que poden dinamizar esta actividade física. "Agora ninguén ten escusa en Ponte Caldelas para practicar deporte á hora e no tempo que considere preciso", sinalou o alcalde.