Charcas con Vida
Por Redacción
O colectivo ecoloxista ADEGA lanza un novo proxecto chamado Charcas con Vida. A iniciativa ten como obxectivo divulgar a importancia das charcas como espazos de alto valor patrimonial, tanto cultural como natural, e fomentar comportamentos e prácticas que axuden ó seu coñecemento e conservación.
O pasado mes de decembro a Fundación Biodiversidade (Ministerio de Medio Ambiente e Medio Rural e Mariño) publicou a resolución final da convocatoria de axudas para a realización de actividade no ámbito da biodiversidade, o cambio climático e o desenvolvemento sostible.
Entre elas ADEGA foi unha das entidades seleccionadas recibindo unha axuda no 2013 para a realización do proxecto Charcas con Vida.
Para o desenvolvemento do proxecto ADEGA asinará proximamente un convenio de colaboración co CIBIO (Centro de Investigaçao em Biodiversidade e Recursos Genéticos) entidade que desenvolve un programa semellante (Charcos com vida) en Portugal e coa cal se traballará en rede para conseguir obxectivos comúns e intercambio de contidos.
O vindeiro 2 de febreiro (día mundial dos humidais) ADEGA celebrará unhas xornadas no Pazo da Cultura de Pontevedra. No marco deste encontro presentarase a inicitiva Charcas con vida, nas mesmas participarán diferentes representantes de entidades relacionadas coa conservación e investigación destes espazos naturais procendentes de Menorca, Portugal e Galiza. Será un evento financiado polo concello de Pontevedra.