En Salcedo non hai quen xogue
Por Diego Espiño
Goteiras nos vestiarios, valas rotas, a grada en mal estado, dificultade nos accesos e ata roubos. Así é o día a día da Sociedad Cultural Deportiva Salcedo á espera dun novo campo de fútbol paralizado a día de hoxe pola falta de acordo entre Concello e Deputación.
Pais e directivos do club denuncian o mal estado dun campo que se parcheou aos poucos pero no que, aseguran, fai falta un importante investimento, "nos quedamos sin agua cada dos por tres. Necesitamos un motor, cambiar la fontanería o la instalación electrica", comenta Amelia Barreiro, secretaria da entidade.
O Salcedo conta con máis de 120 xogadores nas súas categorías inferiores, ademais dun equipo sénior feminino. Algúns equipos, como o xuvenil, tiveron que buscar lugares alternativos para adestrar ante a negativa de moitos xogadores a usar as actuais instalacións, "los mayores el año pasado estuvieron jugando en A Xunqueira pero desistimos porque el coste que suponía era inasumible, y los juveniles se nos marchaban 12 porque no querían jugar en ese campo. Al final entrenan en Pontevedra y juegan en Marín".
"No bajamos de seis robos al año, lo entrenadores ya optan por llevarse los balones a casa"
Aínda por riba a ubicación e a falta de seguridade das instalacións fan dos roubos, segundo Amelia, algo habitual, "hace dos años nos robaron el motor y el cableado de cobre pero es que no bajamos de seis robos al año, lo entrenadores ya optan por llevarse los balones a casa".
O actual campo atópase situado nuns terreos cedidos ao clube pola Comunidade de Montes de Salcedo hai case 25 anos, unha cesión que deberá prorrogarse en breve si non se chega a un acordo para construír as novas instalacións de herba sintética. Mentres tanto, alleos á polémica entre administracións, dende o clube só se traslada un desexo, "nos da igual dónde sea pero que sea cuanto antes, no podemos seguir así".