Mércores de Cinza e San Bieito volverán ser festivos en Pontevedra no 2016
Por Redacción
Un ano máis, o concello de Pontevedra contará con dous festivos locais. E como ningún dos dous días elixidos tradicionalmente coinciden en domingo, non haberá cambios. Non serán laborais tanto o mércores de Cinza (10 de febreiro) e San Benito (11 de xullo).
Así se aprobou este martes, por unanimidade, no Pleno da corporación municipal.
Estes dous festivos veñen completar o calendario aprobado pola Xunta de Galicia o pasado mes de xullo. Serán en total catorce días non laborables, o máximo que marca a lexislación laboral vixente.
A gran novidade para 2016 é que o día de San Xoán (24 de xuño) volverá ser festivo en toda a comunidade autónoma.