Ferido grave un motorista tras sufrir un accidente na rotonda de Fontoira
Por Redacción
Un motorista resultou ferido grave nun accidente de circulación acontecido este venres na rotonda de Fontoira, á entrada de Sanxenxo.
No accidente viuse involucrado o motorista e un coche co que impactou no medio da rotonda.
Como consecuencia das lesións, o condutor da moto tivo que ser trasladado no helicóptero do 061 o Hospital Clínico Universitario de Santiago de Compostela, segundo informa Emerxencias Sanxenxo.
O suceso produciuse minutos antes das 9:00 horas da mañá e ata o lugar desprazáronse efectivos de Emerxencias, Policía Local, Garda Civil e 061.
Os membros do servizo de urxencia tiveron que despexar o aparcadoiro do supermercado Lidl para facilitar a aterraxe do helicóptero, ao que levaron ao ferido tras ser estabilizado previamente nunha ambulancia.