Dous feridos leves nunha colisión entre dous coches en Gondar
Por Redacción
Dúas persoas resultaron feridas este xoves nun accidente de circulación con dous coches implicados acontecido en Gondar, Sanxenxo, á altura de Reiniño.
Trátase da condutora e o acompante dun dos vehículos, un Renault Megane, que colisionó cun Renault Lagoa.
O suceso produciuse a mediodía na estrada PO-504.
Como consecuencia do golpe, os dous feridos foron trasladados por efectivos do 061 a un centro hospitalario.
Ao lugar tamén se achegaron efectivos de Emerxencias Sanxenxo, Policía Local e Garda Civil de Tráfico.