A Garda Civil detén aos supostos autores de roubos en vivendas e establecementos comerciais de Poio
Por Redacción
A Garda Civil detivo a R.R.T., de 49 anos de idade e a JP.B.P., de 41, ambos os veciños de Poio, como supostos autores de tres delitos de roubo con forza cometidos nunha vivenda e dous establecementos comerciais de Poio durante os pasados meses de xullo e agosto.
Segundo informaron fontes oficiais do Instituto Armado, por mor das denuncias presentadas no Posto da Garda Civil de Pontevedra por estes feitos delituosos, iniciouse unha investigación que culminou o pasado día 10 coa detención dos supostos autores que foron conducidos ás dependencias oficiais para a instrución das correspondentes dilixencias.
Recuperáronse parte dos efectos subtraídos que serán entregados aos seus lexítimos propietarios.
Os detidos, que carecían de antecedentes policiais, foron postos a disposición do Xulgado de Instrución número dous dos de Pontevedra quen decretou liberdade con cargos.