O Concello aproba realizar unha oferta pública de emprego con 36 prazas
Por Diego Espiño
A Xunta de Goberno do Concello de Pontevedra acordou este luns tramitar "a maior oferta de emprego público dos últimos anos" na administración local capitalina.
Esta oferta de emprego incluirá 36 prazas en diferentes campos, dende o administrativo pasando pola Policía Local ou os Bombeiros.
Trátase de "un aporte importante ao emprego", explicou o portavoz municipal Raimundo González, "nunha situación na que outras administracións reducen".
A convocatoria tramitarase este ano 2015, pero aínda hai que negociar cos sindicatos o números de prazas que corresponderán a promoción interna.
As prazas ofertadas son: nove administrativos; tres auxiliares de administrativo; dous subalternos; un técnico titulado do grupo A-1; un inspector de Urbanismo e Medio Ambiente; un intendente, dous inspectores, tres oficiais e tres gardas da Policía Local; dous bombeiros condutores; un mestre electricista; un mestre de obras; un oficial electricista; dous oficiais albaneis; dous oficiais de obra; un oficial carpinteiro; e un sepultureiro.