Pontevedra explica o seu modelo urbano en Xixón e Zaragoza
Por Redacción
Pontevedra foi convidada a dous novos foros especializados sobre mobilidade urbana, que se celebrarán a próxima semana en Xixón e Zaragoza.
Co gallo da Semana Europea da Mobilidade, o xefe da Policía Local, Daniel Macenlle, participará nestes foros, nos que explicará diversos aspectos do modelo pontevedrés.
O mércores 16, en Xixón, Macenlle explicará o funcionamento dos camiños escolares, un proxecto que se iniciou hai cinco anos no CEIP Álvarez Limeses e que xa se estendeu con éxito ao resto de centros educativos do casco urbano e de Monte Porreiro.
Agora, recoñece o responsable da policía municipal, "estamos avaliando o levar os camiños escolares ao rural".
Tras esta parada en Asturias, Daniel Macenlle participará no Foro de Mobilidade Sustentable de Zaragoza, onde defenderá o modelo urbano de Pontevedra, unha das catro cidades invitadas xunto a Vitoria, Friburgo e Copenhague.
Farao os días 17 e 18 con dúas charlas, unha aberta ao público e outra destinada a políticos, técnicos e profesionais, defendendo actuacións realizadas no casco urbano como a redución de carrís, a peonalización ou a instalación de aparcadoiros disuasorios.
Relacionadas:
-
O "modelo de cidade" de Pontevedra será estudado nunhas xornadas que organiza a Deputación
Por Oskar Viéitez |
-
Atrae o modelo de cidade aos turistas?
Por Redacción |
-
O modelo urbano de Pontevedra amplíase ata Salcedo
Por Alejandro Espiño |
-
Canal+ Francia grava un documental sobre Pontevedra: "Pensei que non habería ningún coche", di a autora
Por Oskar Viéitez |