O Concello inicia os trámites para licitar o saneamento dos Gafos sen a Xunta
Por Redacción
Para o goberno municipal, o saneamento do río Gafos é unha actuación prioritaria. Por iso, tras a decisión de Augas de Galicia de non seguir adiante con este proxecto -apelando aos incumprimentos do Concello á hora de entregar os terreos-, a Xunta de Goberno decidiu iniciar os trámites para licitar estes traballos.
Raimundo González explicou que o Concello de Pontevedra asignou 50.000 euros para poder licitar o proxecto e sinalou que hai unha "vontade inequívoca" para abordar o saneamento.
Como xa se comunicara hai días, neste momento o goberno municipal ten abertas varías vías abertas para poder sanear o río Gafos: ben realizar un convenio coa deputación provincial ou ben que sexa executado polo Concello sen colaboración doutra administración.
Sexa como sexa, o edil do BNG adiantou que aínda que o proxecto supera o millón de euros, "temos que ver se podemos licitalo este ano e ver se se poden iniciar as obras", de aí a incorporación, na vindeira modificación de crédito, destes 50.000 euros.
Ademais, Raimundo González manifestou que o goberno local quere deixar aberto o proxecto de saneamento do Gafos, sen restrinxilo á intervención pactada con Augas de Galicia, dado que "ao mellor podemos facer outras intervencións no curso do Gafos".
Relacionadas:
-
O Concello e a Deputación asinarán o mércores o convenio para sanear o Gafos ao que renunciou a Xunta
Por Natalia Puga |
-
O goberno local pretende que as obras para sanear o río Gafos comecen antes de 2017
Por Redacción |
-
A Deputación achegará ao concello 500.000 euros para o saneamento do río dos Gafos
Por Redacción |
-
A Deputación e o Concello asinarán un protocolo para acometer diversas obras nos vindeiros catro anos
Por Oskar Viéitez & Mónica Patxot |
-
A voltas co saneamento do Gafos: a Xunta reprocha ao Concello que non entregou os terreos necesarios
Por Redacción |
-
O Concello seguirá adiante co proxecto para sanear o Gafos que paralizou a Xunta
Por Natalia Puga |