A Deputación intentará mellorar as condicións dos bolseiros nun novo plan de emprego
Por Oskar Viéitez
A presidenta da Deputación de Pontevedra, Carmela Silva, anunciou este venres a incorporación de máis de cinco millóns de euros de remanentes de tesourería que entre outros destinos empregarase para poñer en marcha un novo plan de emprego para os concellos da provincia no que intentarán mellorar as condicións económicas dos bolseiros.
"Estamos a traballar na modificación das bases de xeito que estes traballadores podan cobrar salarios dignos e teñan unha xornada normal", afirmou Silva.
A previsión do goberno provincial e que o próximo pleno de fin de setembro poda aprobar a incorporación destes remanentes é a posta en marcha do plan que segundo sinalou Carmela Silva pretende seguir garantindo o traballo de persoal cualificado nos concellos ante as dificultades que teñen estas institucións para a contratación de novo persoal.
No que vai de ano estivéronse desenvolvendo 198 bolsas de práctica laboral na Deputación e nos concellos da provincia de Pontevedra e a maioría finaliza o seu traballo neste ano.
PUNTOS INFORMACIÓN TURÍSTICA
A presidenta da Deputación tamén informou dos asuntos abordados na Xunta de Goberno de hoxe, na que se decidiu ampliar o prazo de 13 bolseiros coas titulacións de turismo por un prazo de seis meses ante a conclusión do actual programa que remata nestas datas.
Deste xeito se garante que os puntos de información turística do Aeroporto de Peinador e dos concellos de Bueu, Poio, Cambados, Baiona, Tui e Pontevedra, entre outros, manteñan a súa actividade durante outros seis meses. Esta prórroga dos bolseiros foi solicitada polos propios titores designados polos concellos.
Relacionadas:
-
A Deputación ocupa a máis de 1.500 persoas co último Plan de Emprego aprobado
Por Redacción |
-
Santos Héctor di que o PP na Deputación "perdeu o rumbo e elixiu a un voceiro que é a voz da caverna"
Por Redacción |
-
O PP critica que só dure dous meses o "Plan Carmelita" de emprego da Deputación
Por Oskar Viéitez |
-
O novo plan de emprego da Deputación duplicará o salario que recibirán os seus 1.550 beneficiarios
Por Alejandro Espiño |