Interceptado un pesqueiro con 1.900 quilos de cocaína pertencente a unha rede de narcos arousáns
Por Redacción
A Policía Nacional, en colaboración coa Policía Judiciaria de Portugal, interceptou un pesqueiro portugués en alta mar con 1.900 quilos de cocaína procedente de Sudamérica.
No marco da denominada 'operación Altagracia' foron detidas 15 persoas, entre os que se atopan veciños da comarca de Arousa e de Vigo, sendo un deles "un coñecido lancheiro galego", segundo informou a Policía a través dun comunicado.
A droga fora recollida na costa de Peniche (Portugal) e o seu destino final era Madrid onde a substancia ía ser receptada por unha organización colombiana.
Nos rexistros efectuados interviñéronse 70.000 euros, unha lancha de 8 metros de eslora e dous motores, 50 cartuchos e unha radio frecuencia decamétrica.
VARIAS ORGANIZACIÓNS IMPLICADAS
As primeiras pescudas tiveron lugar en xuño de 2014 sobre un grupo de "narcotransportistas" galegos especializados no transporte marítimo de cocaína ata a Península. Despois de realizar diferentes pescudas descubriuse que o grupo estaba en contacto continuo con numerosas organizacións colombianas que ofrecían a recollida do estupefaciente en alta mar e o seu posterior traslado ata as costas portuguesas e españolas. Ademais tiñan relación cunha "oficina", situada en Madrid, e dirixida por dous individuos, un deles en liberdade á espera de xuízo por tráfico de aproximadamente 3.400 kilográmos de cocaína.
Avanzadas as investigacións os axentes descubriron que o grupo de narcotraficantes asentado en Galicia contaba con bastante mobilidade para lograr coordinarse co resto de organizacións implicadas. Desta forma, para levar a cabo todas as operacións, realizaban numerosas viaxes a Colombia, se deplazaban habitualmente entre Galicia e Madrid e adoitaban cruzar á costa portuguesa, lugar no que en ocasións recepcionaban a droga. Ademais un home de máxima confianza do grupo era o encargado de viaxar a Venezuela para dirixir desde alí as diferentes partidas da sustancia estupefaciente.
ABORDAXE EN ALTA MAR
Grazas a diferentes medios de investigación púidose acceder a datos concretos sobre o desenlace dun operación marítima na que pretendían transportar cocaína. É por elo que os axentes solicitaron á Policía Judiciaria de Portugal (UNCTE) apoio marítimo e aéreo. Desta forma o pasado 20 de agosto levou a cabo a abordaxe dunha embarcación pesqueira de bandeira portuguesa e de nome "Onda Nazarena", que proviña de Peniche (Portugal). É fronte á costa desta poboación onde o pesqueiro había recoller 1.900 kilográmos de cocaína, os cales foron aprehendidos. Ademais os axentes detiveron a cinco tripulantes, un deles un coñecido lancheiro galego. Tamén se interveu o pesqueiro, unha lancha de oito metros e dous motores, 70.000 euros, 50 cartuchos e unha radio frecuencia decamétrica.
Unha vez que o barco foi interceptado e os seus tripulantes foron detidos continuouse coas investigacións para conseguir deter ao resto dos membros asentados en España. A operación culminou coa detención doutras dez persoas, sete en Galicia (tres destes, nunha autoestrada preto de Ourense, cando se dirixían a Madrid a unha reunión co líder da oficina situada na capital), dúas máis en Madrid, e un en Asturias.
A investigación foi levada a cabo por axentes da Brigada Central de Estupefacientes, axentes do GRECO Galicia, adscritos á UDYCO Central pertencente á Comisaría Xeral de Policia Xudicial, axentes das comisarías de Vigo e Pontevedra, pertencentes á Xefatura Superior de Galicia, ademais de axentes da Policía Judiciaria de Lisboa.